Ափրիքոթ ՍՊԸ-ի հիմնադիր-սեփականատեր Խաչիկ Խաչիկյանը ամերիկահայ գործարար է և EPG պանելի գյուտի հեղինակը։ Իր հիմնադրած և ղեկավարած գործարանը արդեն 1994թ․-ից հաջողություն և ճանաչում էր վայելում Ամերիկայում․ ուներ 7 հա տարածք և 200-ից ավել աշխատակից։ Պարոն Խաչիկյանը 2018թ.-ին վերադարձավ Հայաստան խոշոր ներդրումային ծրագրով։ Նորարարական տեխնոլոգիա ունեցող գործարանը, որը նախատեսված էր հիմնադրել Իտալիայում, հիմնադրվեց Հայաստանում։ Պարոն Խաչիկյանը իր ինժեներական և բիզնես գիտելիքներն ու հսկայական փորձը շինարարական ոլորտում փոխանցում է իր հայրենակիցներին և շարունակում է աշխատել հայրենիքում։

    Իր բնույթով լինելով արտադրող-բիզնեսմեն և զբաղվելով բիզնեսով դեռ վաղ տարիքից՝ այս գործարանի համահիմնադիր Սարգիսը, վստահություն էր վայելում Ikea և Home Depot խոշոր ընկերություններում՝ որպես առաջատար մատակարար։ Իր ընկերության բարեհաջող վաճառքից հետո, Սարգիսը սկսեց գործունեություն ծավալել անշարժ գույքի շուկայում՝ ունենալով բազմաթիվ շինարարական և կոմերցիոն նախագծերի փորձ։ Բազմաթիվ քննարկումներից և անթիվ հետազոտություններից հետո Խաչիկ Խաչիկյանը, ով ուներ մեծ փորձ ինժեներության և նախագծման ոլորտում, և Սարգիսը հասկացան, որ կարող են ստեղծել ավելի լավ արտադրանք, որը չկա շուկայում։ Ավելի քան 20 պանելային պատենտներից և բետա-նախագծերից հետո ծնվեց՝ «EPG panel» պրոդուկտը։